అరె…. ఏంట్రా ఇలా దొరికిపోయాం
అన్న గురించి పోలీస్ లు వెళితే, తమ్ముడు పట్టుబడ్డాడు. ప్రముఖ యూ ట్యూబ‌ర్‌, బిగ్ బాస్ ఫేమ్, నటుడు షణ్ముఖ్ జస్వంత్ చిక్కుల్లో ప‌డ్డాడు. షణ్ముఖ్ సోద‌రుడు సంప‌త్ వినయ్ త‌న‌ని ప్రేమ పేరుతో మోసం చేశాడ‌ని ఓ యువ‌తి పోలీసుల‌కు ఫిర్యాదు చేసింది. ప‌దేళ్ల పాటు ఇద్ద‌రం ప్రేమ‌లో ఉన్నామ‌ని, పెళ్లి చేసుకొంటాన‌ని సంప‌త్ నమ్మించాడ‌ని, నిశ్చితార్థం కూడా జ‌రిగింద‌ని, అయితే ఆ త‌ర‌వాత స‌డ‌న్ గా మ‌రో అమ్మాయిని పెళ్లి చేసుకొన్నాడ‌ని తన ఫిర్యాదులో పేర్కొంది. సంప‌త్ వినయ్, షణ్ముఖ్ ఇద్ద‌రూ క‌లిసే ఉంటున్నారు. దాంతో సంప‌త్ కోసం పోలీస్ లు షణ్ముఖ్ .. నివాసానికి వెళ్తే, అక్కడ గంజాయితో పోలీసుల‌కు రెడ్ హ్యాండెడ్ గా పట్టుబడ్డాడు షణ్ముఖ్. గతంలో కూడా, ఒక ఆక్సిడెంట్ కేసు లో వివాదం లో చిక్కుకున్న షణ్ముఖ్, పోలీస్ స్టేషన్ మెట్లు ఎక్కాల్సి వచ్చింది.
ఎదిగిన కొద్దీ వొదగమన్నారు, ఒక సామాన్య వ్యక్తి స్థాయి నుండి, సెలబ్రిటీ స్థాయి కి చేరుకొని, ఇప్పుడు తరుచు ఇలా వివాదాల్లో చిక్కుకోవడంతో పాటు , చట్ట వ్యతిరేక కార్యక్రమాలు, నేరాల్లో ఇరుక్కుని, తన కెరీర్ ను ప్రమాదం లో నెట్టేసుకున్న ఈ యువ నటుడు షణ్ముఖ్ తీరు విచారకరం.